Malayziya şagirdlər kütləvi şəkildə qrip virusuna yoluxub, bu səbəbdən də ölkə daxilində bəzi məktəblər tələbələrin təhlükəsizliyi üçün təhsili dayandırıb.
525.az xəbər verir ki, bu barədə Malayziyanın Təhsil Nazirliyi məlumat yayıb.
“Bizim COVID-19 pandemiyasından yoluxucu xəstəliklərlə mübarizədə böyük təcrübəmiz var. Biz məktəblərə bu təlimatlara əməl etməyi xatırlatdıq və onları maska taxmağa və böyük qrupların iştirak etdiyi fəaliyyətlərdən çəkinməyə çağırdıq”, - deyə nazirliyin baş direktoru Mohd Azam Əhməd bildirib.
O, təhsili dayandıran məktəblərin dəqiq sayı barədə təfərrüatları açıqlamasa da, bu problemin noyabrın 3-də başlaması planlaşdırılan Malayziya Təhsil Sertifikatı (SPM) orta məktəbi buraxılış imtahanları ərəfəsində baş verməsinin ciddi narahatçılıq doğurduğunu vurğulayıb.
İbrahim Cəfərov
çap et