"Qəzzanın bərpasına təxmini 50 milyard dollar lazımdır".
525.az xarici KİV-ə istinadən xəbər verir ki, ABŞ prezidenti Donald Trampın nümayəndəsi Stiv Uitkoff bu fikirdədir.
"Lazım olan məbləğ 50 milyard dollar civarındadır. Bir qədər az və ya çox ola bilər. Fikrimcə, bu, o qədər də böyük vəsait deyil. Yaxın Şərqin imkanlı dövlətləri bu məbləğin yığılmasında çətinlik çəkməzlər" - deyə, Uitkoff bildirib.
Qeyd edək ki, İsrailin hücumundan sonra Qəzzada tikililərin 80 faizindən çoxu dağılıb. Bəzi hüquq müdafiəçiləri bərpa prosesi üçün lazım olan vəsaiti İsrailin qarşılamalı olması fikrindədir.
L.Tağıyeva
çap et