Oxuculara yeni bir səs - səmimi, təmiz və duyğulu bir uşaq qəlbinin səsi olan "Səssiz Melodiya" kitabı təqdim olunur. "Səssiz Melodiya" 12 yaşlı bir qızın - Firuzə Nəbilinin düşüncələrindən, xəyallarından və duyğularından doğan kitabdır. Bu kitabda uşaqlığın saf baxışları, xəyalları, böyüklərin unutduğu nağılvari hisslər və hər kəsin içində gizlənən kiçik bir melodiya var.
"Səssiz Melodiya" - sözün musiqiyə, duyğunun səssizliyə çevrildiyi bir iç səfəridir. Bu səfərdə Firuzə oxucunu düşünməyə, xatırlamağa və hiss etməyə dəvət edir. Gənc müəllifin yazıları sadə, lakin dərin bir dünyanı - uşaq qəlbinin genişliyini əks etdirir.
Bakıdakı 17 saylı tam orta məktəbin 7-ci sinif şagirdi Firuzə Nəbilinin "İmza" nəşriyyatında işıq üzü görən "Səssiz melodiya" kitabının oxucular üçün də maraqlı olacağına ümid edərək müəllifə uğur diləyirik.
AYTƏKİN
çap et