“Rusiya prezidenti Vladimir Putinin nüvə sınaqları ilə bağlı açıqlamasına ABŞ-dan rəsmi reaksiya verilməyib”.
525.az xəbər verir ki, bu barədə Rusiya Prezidentinin mətbuat katibi Dmitri Peskov bildirib.
"Xeyr, heç bir reaksiya olmayıb", - o əlavə edib.
Kremlin sözçüsü qeyd edib ki, prezidentin aydın ifadəsinə baxmayaraq, Təhlükəsizlik Şurasının iclasından sonra Qərb mediasının hədsiz emosional reaksiyası baş verib.
Noyabrın 5-də Təhlükəsizlik Şurasının iclasında Putin Xarici İşlər Nazirliyinə, Müdafiə Nazirliyinə və kəşfiyyat xidmətlərinə nüvə silahı sınaqlarına hazırlıq üzrə işlərin başlanması mümkünlüyü ilə bağlı razılaşdırılmış təkliflər hazırlamağı tapşırıb.
Pərvanə Sultanova
çap et