“Porşe” şirkətinin sahibi dördüncü dəfə evləndi

Avtomobil nəhəngi “Porşe” şirkətinin 82 yaşlı rəhbəri Volfqanq Porşe 4-cü dəfə evlənib.

525.az xarici KİV-ə istinadən xəbər verir ki, o, Avstriyanın Zalsburq şəhərində 62 yaşlı şahzadə Qabriele Leyninqen ilə ailə həyatı qurub. Mərasimdə az sayda qonaq iştirak edib. Jurnalistlərin toyda iştirakına icazə verilməyib. Eləcə də toydan fotoların mətbuata sızmasının qarşısını almaq üçün xüsusi tədbirlər görülüb.

Qeyd edək ki, Volfqanq Porşe əvvəllər üç dəfə evli olub. Onun yeni həyat yoldaşı Qabriele Leyninqen isə üçüncü dəfə ailə qurub.

İbrahim Cəfərov