Etibar Məmmədov: “Azərbaycanda milli mollalara ehtiyac var”

«Bizim bu gün Azərbaycanda milli mollalara ehtiyacımız var».

APA-nın məlumatına görə, bunu Bakıda türk müğənnisi və yazarı Əhməd Şəfəqin kitablarının təqdimatında Azərbaycan Milli İstiqlal Partiyasının lideri Etibar Məmmədov bildirib.
 
Onun sözlərinə görə, bu gün eyni zamanda kosmopolit mollalara deyil, millətin gələcəyini düşünən mollalara ehtiyac var: “Bununla belə, çağdaşlaşmaq, müasirləşmək o demək deyil ki, öz milliliyini itirsən”.

E.Məmmədov həmçinin qeyd edib ki, bu gün Azərbaycan və Türkiyə üçün ötən əsrin əvvəllərində mövcud olmuş təhlükələrə bənzər təhlükələr yenə var: «Bu gün müsəlman, türk olan dövlətlər yaransa da, onların Türkiyədən başqa dövlətçilik ənənəsi yoxdur».