Nigeriyanın Zemfara ştatında naməlum şəxslər 2 partlayış törədiblər.
525.az xarici KİV-ə istinadən xəbər verir ki, nəticədə 10 nəfər həyatını itirib.
Əldəqayırma partlayıcı qurğular Maykoqo və Mayayyayya kəndlərini birləşdirən yolda quraşdırılıb. Birinci partlayış motosikletin bombaya toxunması nəticəsində baş verib və 4 nəfər ölüb. Digər bombaya isə yük avtomobilinin qoşqusu düşüb. Bu dəfə isə 5 nəfər həyatını itirib. Daha bir qadın həyəcandan yolun hərəkət istiqamətinə çıxıb və başqa avtomobil onu vurub.
Qeyd edək ki, Nigeriyada bu tip hadisələr adi hala çevrilib. Dekabrın əvvəlində 7 nəfər Borno ştatındakı məscidlərin birində törədilmiş partlayışın qurbanı olmuşdu.
L.Tağıyeva
çap et