Ronald Reyqanın oğlu vəfat edib

ABŞ-nin keçmiş prezidenti Ronald Reyqanın böyük oğlu və mühafizəkar şərhçi Maykl Reyqan vəfat edib.

525.az xarici KİV-ə istinadən xəbər verir ki, o, 80 yaşında dünyasını dəyişib.

Ronald Reyqanın Prezident Fondu və İnstitutu Maykl Reyqanın vəfatı ilə bağlı açıqlama yayıb:

"Maykl Reyqan Prezident Reyqanın ideallarına sarsılmaz sadiqliyi ilə formalaşmış bir həyat yaşayıb".

Qeyd edək ki, 1945-ci ildə anadan olan Maykl Reyqan, doğulduqdan bir neçə saat sonra Ronald Reyqan və o vaxtkı həyat yoldaşı Ceyn Vayman tərəfindən övladlığa götürülüb. Arizona Dövlət Universitetində təhsil alan Maykl Reyqan daha sonra aktyorluğa başlayıb və müxtəlif tamaşalarda rol alıb.

İbrahim Cəfərov