“Bu gün Azərbaycan Bazel III standartlarına keçidlə bağlı artıq qərar qəbul edib. Bankların həmin standartlara uyğunlaşdırılması vacib şərtlərdəndir”.
İqtisadçı millət vəkili Vüqar Bayramov bunu 525.az-a deyib.
O söyləyib ki, bu, bir tərəfdən bank xidmətlərinin çeşidinin artırılması, banklarda korporativ idarəetmənin gücləndirilməsi, eyni zamanda informasiya açıqlamalarının artırılması baxımından da əhəmiyyətlidir. Çünki Bazel-3 prinsipləri bir mənalı şəkildə bankların menecmentinə təsir göstərən əsas qaydalar sırasındadır:
“O baxımdan bankların Bazel-3 standartlarına uyğunlaşdırılması bank sektorunun dayanıqlılığı aspektindən vacibdir. Bu da öz növbəsində bankların daha səmərəli fəaliyyətinə təsir göstərir”.
Sevinc Qarayeva
çap et