"Ukrayna nümayəndə heyətinin sülh danışıqlarındakı işi qarşı tərəfin 3 fevralda enerji sektoruna hücumuna müvafiq olaraq tənzimlənəcək".
525.az xəbər verir ki, bunu Ukrayna Prezidenti Volodimir Zelenski deyib.
O bildirib ki, Rusiyanın hər belə hücumu Moskvanın münasibətinin dəyişmədiyini təsdiqləyir:
“Onlar hələ də müharibəyə və Ukraynanın məhvinə ümid edirlər, diplomatiyanı ciddiyə almırlar. Danışıqlar qrupumuzun işi buna uyğun olaraq tənzimlənəcək", - Zelenski enerji infrastrukturuna sonuncu hücum barədə danışarkən deyib.
Rusiya-ABŞ-Ukrayna sülh danışıqlarının növbəti mərhələsinin 4-5 fevral tarixlərində Əbu-Dabidə keçirilməsi gözlənilir.
Pərvanə Sultanova
çap et