Rusiyada sərçələrin sayının müəyyənləşdirilməsi üçün onların siyahıyaalması keçiriləcək.
525.az Rusiya mətbuatına istinadən xəbər verir ki, proses 7-15 fevralı əhatə edəcək.
Rusiya Quşları Müdafiə Cəmiyyətinin üzvü Anna Mostovayanın bildirdiyinə görə, bütün ölkə ərazisində bu proses ildə 2 dəfə - fevral və avqustda aparılır. Fevralda sərçələri saymaq daha rahatdır. Çünki onlar cütləşməyə hazırlaşırlar və cikkildəşirlər.
Məqsəd bir çox ölkələrdə sərçələrin azalması fonunda Rusiyada onların sayını müəyyənləşdirməkdir. Bunun üçünsə 10-15 il ardıcıl monitorinqin aparılması vacibdir.
Qeyd edək ki, ötən ilki siyahıyaalmada Rusiya üzrə 208 min sərçənin olduğu müəyyənləşdirilib. Bu, 2024-cü illə müqayisədə 25 faiz çoxdur.
L.Tağıyeva
çap et