San-Kristobal şəhərindəki orta məktəblərin birində 15 yaşlı oğlan odlu silahdan şagirdlərə atəş açıb.
525.az xarici KİV-ə istinadən xəbər verir ki, nəticədə 1 azyaşlı ölüb, 8 nəfər yaralanıb.
Ölən şagirdin 13 yaşı varmış. 8 yaralıdan ikisi güllə yarası, digər 6 nəfər isə basabasda xəsarət alıb. Onların hamısı xəstəxanaya yerləşdirilib. Yaralılardan birinin vəziyyətinin ağır olduğu bildirilir.
Qeyd edək ki, cinayətkar yeniyetmə məktəbin şagirdidir və əməkdaşlardan biri tərəfindən zərərsizləşdirilərək polisə təhvil verilib. Hadisənin motivləri barədə məlumat verilmir.
L.Tağıyeva
çap et