Mərakeş Krallığının Bakıdakı səfiri, diplomatik korpus duayeni Adil Embarş Azərbaycan Ərazilərinin Minalardan Təmizlənməsi üzrə Milli Agentliyin (ANAMA) əməkdaşı Muğan Mətilinin xidməti vəzifəsini yerinə yetirərkən tank əleyhinə minanın partlaması nəticəsində həlak olması ilə bağlı başsağlığı verib.
Bu barədə 525.az-a səfirlikdən daxil olan məlumatda bildirilir.
"Füzuli rayonu ərazisində xidməti vəzifəsini yerinə yetirərkən tank əleyhinə minanın partlaması nəticəsində ANAMA əməkdaşı Muğan Mətilinin faciəli şəkildə həlak olması xəbərini dərin kədər hissi ilə qarşıladım. Mərakeş Krallığının səfiri və Azərbaycanda akkreditə olunmuş diplomatik korpusun duayeni kimi onun ailəsinə, həmkarlarına və yaxınlarına ən səmimi və ürəkdən başsağlığı verirəm. Həmçinin Azərbaycan hökumətinə və xalqına dərin hüznlə başsağlığı verirəm", -səfir bildirib.
Pərvanə Sultanova
çap et