Əfqanıstanın şərqindəki Laqman əyalətində Pakistandan qayıdan qaçqınları daşıyan avtobus aşıb.
525.az xarici KİV-ə istinadən xəbər verir ki, qəzaya səbəb sürücünün yuxulaması olub. Nəticədə yoldan çıxan avtobus Kabil-Cəlalabad magistralının Surxakan ərazisi yaxınlığındakı xəndəyə aşıb.
Qəza nəticəsində 22 nəfər ölüb, 36 nəfər yaralanıb. Ölənlər arasında 10 uşaq və 5 qadın var.
Qonşu Nanqarhar əyalətindəki xəstəxanalara çatdırılan yaralılardan bəzilərinin vəziyyətinin ağır olduğu bildirilir.
İbrahim Cəfərov
çap et