Azərbaycanda bu il dövlət qurumlarına verilən yeni domenlərin sayı açıqlanıb

Bu ilin yanvar-may aylarında Azərbaycanda dövlət qurumlarının istifadəsinə 21 yeni domen verilib.

525..az Xüsusi Rabitə və İnformasiya Təhlükəsizliyi Dövlət Xidmətinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə eynidir.

Hesabat dövründə dövlət qurumlarının istifadəsinə 183 yeni subdomen də verilib ki, bu da 1 il əvvələ nisbətən 78 % çoxdur.

2025-ci ildə dövlət qurumları 65 yeni domen və 285 yeni subdomen alıb.