İyunun 17-də Beynəlxalq Muğam Mərkəzində “Azərbaycan muğamı” layihəsi çərçivəsində xalq çalğı alətləri ifaçılarının konserti təqdim olunacaq.
525.az-a Muğam Mərkəzindən bildirilib ki, konsertin məqsədi klassik ənənələri müasir yanaşmalarla təqdim etməkdir.
İfaçılıq ənənələrinin yaşadılması və gələcək nəsillərə ötürülməsinə yönələn bu layihə ayda bir dəfə olmaqla sənətsevərlərin görüşünə gəlir. Konsert proqramında Azərbaycan xalq musiqisinin və muğam sənətinin seçilmiş nümunələri səsləndiriləcək, milli musiqi alətlərinin zəngin ifa imkanları nümayiş etdiriləcək.
Tədbirdə tanınmış ifaçılarla yanaşı, gənc musiqiçilər də çıxış edəcəklər.
çap et