“Ukrayna ordusu gecə Kubandakı neft bazasına, səhər isə cəbhə xəttindən 1500 kilometr aralıda yerləşən Ufadakı iki neft emalı zavoduna zərbələr endirib”.
525.az xəbər verir ki, bu barədə Ukrayna prezidenti Volodimir Zelenski “Telegram”da bildirib.
Onun sözlərinə görə, Rusiyanın Krasnodar vilayətində yerləşən “Poltavskaya” neft bazasına zərbə endirilib. Obyekt cəbhə xəttindən təxminən 300 kilometr məsafədə yerləşir. Həmin gün səhər Ufadakı iki neft emalı zavoduna – “Başneft-Ufaneftxim” və “Başneft-Novoyl”a zərbələr endirilib, bu, cəbhədən 1500 kilometr məsafədədir.
"Uzunmənzilli əməliyyatlarımız Rusiyanın müharibəni uzatmasına və Ukrayna şəhərlərinə, icmalarına hücumlarına ardıcıl və dəqiq cavablardır", - prezident bildirib.
Pərvanə Sultanova
çap et