ABŞ-də daşqınlar 4 nəfərin həyatına son qoyub

ABŞ-nin Kentukki və İndiana ştatlarında şiddətli yağışlar daşqınlara səbəb olub.

525.az xarici KİV-ə istinadən xəbər verir ki, bu barədə ABŞ Milli Hava Xidməti məlumat yayıb.

Qeyd olunub ki, Kentukki ştatının Madison və Cekson qraflıqlarında dörd nəfər həyatını itirib. Ştatda 12 yol daşqınlar səbəbindən istifadəyə yararsız hala düşüb.

Daşqınlar altında qalanlar üçün axtarış-xilasetmə əməliyyatları davam etdirilir.

Bullitt qraflığında isə sakinlərə təxliyə əmri verilib.

İbrahim Cəfərov