Bu ilin yanvar-iyun aylarında Azərbaycan Türkiyədən 99,148 milyon ABŞ dolları dəyərində taxıl, paxlalılar, yağlı toxumlar və onun məhsullarını idxal edib.
525.az Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 15,1 % çoxdur.
Təkcə iyunda isə Türkiyə Azərbaycana 14,093 milyon ABŞ dolları dəyərində taxıl, paxlalılar, yağlı toxumlar və onun məhsullarını ixrac edib ki, bu da 1 il əvvələ nisbətən 31,6 % çoxdur.
Yanvar-iyun aylarında Türkiyənin taxıl, paxlalılar, yağlı toxumları və onun məhsullarını ixracının ümumi dəyəri illik müqayisədə 3,7 % azalaraq 5,847 milyard ABŞ dollarına enib, iyunda isə 17,7 % artaraq 1,015 milyard ABŞ dollarına çatıb.
çap et