Kamçatka sahillərində 1 gündə 4 güclü zəlzələ

Bu gün səhər saatlarında Kamçatka sahillərində 4 güclü zəlzələ baş verib.

525.az Rusiya mətbuatına istinadən xəbər verir ki, bütün zəlzələlər Sakit okeanda qeydə alınıb.

Birinci titrəyişin episentri Petropavlovsk-Kamçatskdan 374 km məsafədə, 36,3 km dərinlikdə yerləşib və gücü 4,5 bal olub.

6 bal gücündə ikinci zəlzələ şəhərdən 210 km məsafədə 64,6 km dərinlikdə baş verib.

Bundan 6 dəqiqə sonra 5,7 bal gücündə silkələnmə olub. Episentr isə 206 km məsafədə, 72 km dərinlikdə yerləşib.

Nəhayət, 5 bal gücündə 4-cü böyük yeraltı təkanlar Petropavlovsk-Kamçatskdan 207 km məsafədə, 70,1 km dərinlikdə qeydə alınıb.

L.Tağıyeva