Quraqlıq səbəbindən Almaniyada su istifadəsinə məhdudiyyətlər tətbiq edilib.
525.az xarici KİV-ə istinadən xəbər verir ki, Münhen Bələdiyyəsi şəhərdə normalda orta hesabla 300 milyon litr olan gündəlik su istehlakının 360 milyon litri keçdiyini açıqlayıb. Buna görə də içməli suyun, yeraltı suların və səth sularının istifadəsi üçün məcburi mühafizə tədbirləri tətbiq edilib.
Mer Dominik Krause quru qış və yazdan sonra su ehtiyatlarının ciddi şəkildə gərginləşdiyini bildirib və ictimaiyyəti mühafizə tədbirlərinə riayət etməyə çağırıb.
Qaydalara əsasən, şəxsi üzgüçülük və dekorativ hovuzların doldurulması, qazonların və yaşıl sahələrin suvarılması, kommersiya avtomobil yuma yerlərinin xaricində nəqliyyat vasitələrinin yuyulması və terrasların, damların, həyətlərin və yolların su ilə təmizlənməsi qadağandır. Saat 09:00 ilə 19:00 arasında evlərin və bağların suvarılmasına icazə verilməyəcək. Göllərdən, çaylardan və kanallardan su çəkmək də qadağandır. Damcı suvarma sistemləri məhdudiyyətlərdən azaddır. Məhdudiyyətlər 1 avqust 2026-cı ilə qədər qüvvədə olacaq. Quraqlıq davam edərsə, məhdudiyyətlər uzadıla bilər. Qadağaları pozanlar 50 min avroya qədər cərimə ilə üzləşə bilərlər.
İbrahim Cəfərov
çap et