“Ermənistan heç vaxt Türkiyəyə qarşı ərazi iddiası irəli sürməyib”

Ermənistanın xarici işlər naziri Edvard Nalbandyan ölkəsinin Türkiyə ilə münasibətlərini normallaşdırmaq üçün rəsmi Yerevanın heç bir şərt irəli sürmədiyini bəyan edib.

Modern.az Ermənistan KİV-nə istinadən xəbər verir ki, Edvard Nalbandyan  ABŞ-a səfəri çərçivəsində Vaşinqtondakı Milli Mətbuat Klubunda jurnalistlərin suallarını cavablandırarkən bu barədə danışıb. 

Xarici siyasət idarəsinin rəhbəri bildirib ki,  ABŞ-ın Türkiyə ilə Ermənistan əlaqələrinin yaxşılaşması məsələsində heç bir şərt irəli sürmədiyini vurğulayıb. 

O qeyd edib ki, Ağ Evin bu mövqeyini Ermənistan dəstəkləyir. 

Nazir onu da qeyd edib ki, Ermənistanın Türkiyəyə qarşı ərazi iddiası yoxdur. 

“Ermənistan heç vaxt Türkiyəyə qarşı ərazi iddiası irəli sürməyib”, - deyə o söyləyib.