Bu ilin noyabr ayı ərzində Azərbaycanda istehlak mallarının qiymətləri və xidmət tarifləri əvvəlki ayla müqayisədə 1% artıb.
Dövlət Statistika Komitəsindən «APA-Economics»ə verilən məlumata görə, 11 ay ərzində keçən ilin müvafiq dövrünə nisbətən ölkədəki inflyasiyanın səviyyəsi 1,2% təşkil edib.
«Oktyabr ayına nisbətən noyabr ayında ərzaq məhsullarının qiymətləri 1,9%, qeyri-ərzaq mallarının qiymətləri 0,3%, xidmət tarifləri 0,1% artıb. İlin əvvəlindən keçən vaxt ərzində ərzaq məhsullarının qiymətləri 1%, qeyri-ərzaq mallarının qiymətləri 1,1% və xidmət tarifləri 1,3% artıb», - deyə Komitədən bildirilib.
Xatırladaq ki, cari ilin yanvar-oktyabr ayları ərzində ölkədəki illik inflyasiyanın səviyyəsi 1,3% təşkil edib.
çap et