Avropa Liqasının III təsnifat mərhələsinin cavab görüşü çərçivəsində "Qəbələ" ilə qarşılaşacaq "Apollon"un Bakıya gələcəyi tarix müəyyənləşib.
Qol.Az-ın klubun rəsmi saytına istinadən verdiyi məlumata görə, Kipr təmsilçisi paytaxtımıza sabah gələcək.
Komandanın sabah günorta saatlarında Larnaka şəhərindən çarter reysi ilə Bakıya gələcəyi gözlənilir. "Apollon" sabah axşam saatlarında matçın keçiriləcəyi 8-ci km qəsəbə stadionunda oyunöncəsi son məşqinə çıxacaq.
Qeyd edək ki, avqustun 6-da keçiriləcək "Qəbələ" - "Apollon" oyunu saat 21:00-da başlayacaq. Bu komandalar arasında baş tutan ilk görüşdə 1:1 bərabərlik qeydə alınıb.
çap et