Avropa Liqasının pley-off mərhələsində "Qarabağ"ın rəqibi olan "Yanq Boyz" sabah Bakıya gələcək.
"Qarabağ"ın mətbuat xidmətindən Qol.Az-a verilən məlumata görə, İsveçrə təmsilçisi sabah axşam saatlarında paytaxtımızda olacaq.
"Yanq Boyz" avqustun 26-da "Qarabağ"la oyunöncəsi Bakıda son məşqinə çıxacaq.
Qeyd edək ki, avqustun 27-də Tofiq Bəhramov adına Respublika stadionunda keçiriləcək "Qarabağ" - "Yanq Boyz" oyunu saat 21:00-da başlayacaq. Bu komandalar arasında İsveçrədə keçirilmiş ilk görüşdə "Qarabağ" 1:0 hesablı qələbə qazanıb.
çap et