Avropa Liqasında inamla irəliləyən "Qəbələ" dünən pley-off mərhələsinin cavab matçına çıxıb.
Qol.Az-ın məlumatına görə, "qırmızı-qaralar" Afinada "Panatinaikos"un qonağı olub.
Bu komandalar arasında Bakıda keçirilən oyunda hesab açılmadığından cütün taleyinə Yunanıstanda aydınlıq gəlib.
Tarixində ilk dəfə pley-off mərhələsinə vəsiqə qazanan Roman Qriqorçukun komandası daha bir uğurun astanasında idi. Bunun üçün "Qəbələ" səfərdən sərfəli nəticə ilə qayıtmalı idi ki, bunu da bacarıb.
Səfərdə rəqibi ilə 2:2 bərabərə qalan "Qəbələ" tarixində ilk dəfə Avropa Liqasının qrup mərhələsində oynamaq hüququ əldə edib.
27 avqust
Avropa Liqası, "pley-off"un cavab oyunu
23:00. “Panatinaikos” (Yunanıstan) – “Qəbələ” (Azərbaycan) - 2:2
Qollar: Dodo, 6 (0:1), Markus Berq, 34 (1:1), Dodo, 60 (1:2), Nano, 78 (2:2)
İlk oyun – 0:0
Hakimlər: İvan Krujilak, Tomas Somolani, Tomas Mokoş (hamısı Slovakiya)
Afina. Apostolos Nikolaidis stadionu
"Panatinaikos": Lyuk Stil, Giorgos Koutroumbis, Stathis Tavlaridis, Nano, Serxio Sançes, Bourbos, Zeka (k), Ninis, Daniel Pranyiç ( Mladen Petriç, 66), Nikos Karelis (Kloranidis, 67), Markus Berq
Ehtiyat oyunçular: Kotsolis, Nikos Marinakis, Nikos Kaltsas, Tassos Laqos,Abdul Ayaqun
“Qəbələ”: Dmitri Bezotosnı, Stankoviç, Vitali Vernidub, Rikardinyo, Arif Daşdəmirov, Rəşad Sadiqov, Aleksey Qay, Sergey Zenyov, Ermin Zets (Elvin Camalov, 86), Dodo (k) , Aleksey Antonov
Ehtiyat oyunçular: Pietrzkieviç, Məhəmməd Mirzəbəyov, Asif Məmmədov, Samir Zərgərov, Floresku, Qismət Alıyev
çap et