Qvardiola əsəbiləşib mətbuat konfransını tərk etdi

"Bavariya"nın baş məşqçisi Pep Qvardiola mətbuat konfransını erkən tərk edib.

Qol.Az-ın xarici KİV-lərə istinadən yaydığı xəbərə görə, buna jurnalistlərin ona İngiltərə millisi ilə bağlı sual verməsi səbəb olub.

P.Qvardiola İngiltərə millisini çalışdırıb-çalışdırmayacağı suala əsəbiləşib.

"Zəhmət olmasa, başqa sual verin. Mən "Bavariya"nın baş məşqçisiyəm. Təşəkkürlər" deyən P.Qvardiola mətbust konfransını tərk edib.

Qeyd edək ki, P.Qvardiolanın "Avro-2016"dan sonra İngiltərə millisini çalışdıracağı iddia edilir.