"Portu"nun qapıçısı İker Kasilyas yeni rekorda imza atıb.
Qol.Az-ın xarici KİV-lərə istinadən verdiyi məlumata görə, ispaniyalı qolkiper Çempionlar Liqasında ən çox oyun keçirən futbolçu olub.
Bu, "Çelsi" ilə matça (2:1) təsadüf edib. Çempionlar Liqasında 152-ci oyununa çıxan Kasilyas bu göstəricidə "Barselona"nın sabiq futbolçusu Xavi Hernandezi (151) geridə qoyub.
Qeyd edək ki, 1999-2015-ci illərdə "Real" (Madrid) klubunun şərəfini qoruyan Kasilyas 3 dəfə (1999/2000, 2001/2002 və 2013/2014) Çempionlar Liqasının kubokunu başı üzərinə qaldırıb.
çap et