525.Az

Dünyanın ən güclü smartfonu


 

Dünyanın ən güclü smartfonu <b style="color:red"></b> Çinin “LeTV” şirkəti ən yeni “Qualcomm Snapdragon 820” prosessoru, 6 giqabaytlıq operativ yaddaş və 5,7 düymlü ekranla təchiz ediləcək “LeTV Max 2” yeni smartfon modeli buraxacağını açıqlayıb.
 
525.az-ın RYTN-nin rəsmi saytına istinadən verdiyi məlumata görə, hələ rəsmən təqdim edilməyən "Snapdragon 820” xüsusiyyətlərinə görə əvvəlki nəsil "Snapdragon 810” prosessorundan iki dəfə sürətlidir.
 
Hazırda smartfonlar üçün 3 giqabayt tutumlu operativ yaddaş bazar standartı hesab edilir. 6 giqabaytlıq güclü prosessorun operativ yaddaşla birləşməsi "LeTV Max 2” modelini dünyanın ən güclü smartfonu edəcək.
 
Bundan başqa, Çin aparatı 2560x1440 piksel təsvir ölçülü 5,7 düymlü ekran və “Sony” şirkətinin istehsalı olan 23 meqapikselli sensorlu kamera ilə təchiz ediləcək.
 
Qurğunun 2016-cı ilin birinci rübündə bazara çıxarılacağı gözlənilir, - "NEWSru” yazır.
 




02.10.2015    çap et  çap et