|
|
|
|
"Londona qələbə üçün gəlmişik. Əgər məğlubiyyət haqda düşünsəydik, oyuna çıxmağın mənası olmazdı. Üç xal qazanmaq üçün hər şey edəcəyik".
Qol.Az-ın xarici KİV-lərə istinadən yaydığı xəbərə görə, bu sözləri "Anderlext"in futbolçusu Stefano Okaka Avropa Liqasının qrup mərhələsinin dördüncü turunda "Tottenhem"lə səfər oyunu öncəsi deyib.
O, "Qarabağ"la uduzduqları matçı da xatırladıb:
"Qarabağ"a uduzacağımız ağlıma gəlməzdi. Ancaq "Monako" və "Tottenhem"ə qarşı yaxşı oynadıq".
S.Okaka qrup lideri olmaq üçün çalışacaqlarını vurğulayıb.
Qeyd edək ki, "Tottenhem" - "Anderlext" qarşılaşması bu gecə saat 00:05-də başlayacaq.