525.Az

Akşin Mehdiyev İslam Əməkdaşlıq Təşkilatının daimi müşahidəçisi təyin olundu

Azərbaycan Xarici İşlər Nazirliyi tərəfindən İslam Əməkdaşlıq Təşkilatının Avropa İttifaqı yanında daimi müşahidəçisi vakant vəzifəsinə Xüsusi Tapşırıqlar üzrə səfir Akşin Mehdiyevin namizədliyi irəli sürülüb.

Xarici İşlər Nazirliyindən 525.az-a verilən məlumata görə, dünən İslam Əməkdaşlıq Təşkilatının Ümumi Katibliyindən Xarici İşlər Nazirliyinə daxil olmuş notada İƏT-in baş katibi tərəfindən səfir A.Mehdiyevin İƏT-in Avropa İttifaqı yanında daimi müşahidəçisi vəzifəsinə qəbul edilməsi təsdiq edilərək, onun vəzifə səlahiyyətlərinin icrasına cari ilin 1 dekabrından etibarən başlayacağı bildirilir.

Səfir A.Mehdiyev 2001-2006-cı illərdə Azərbaycanın Avropa Şurası, 2006-2014-cü illərdə isə BMT yanında Daimi Nümayəndəsi olub.

Qeyd edək ki, bundan öncə İslam Əməkdaşlıq Təşkilatının Avropa İttifaqı yanında daimi müşahidəçisi Arif Məmmədov olub.

05.11.2015

çap et