​Nardaranlıların olduğu xəstəxananın həyətində qumbara tapılıb

3 saylı Sabunçu Şəhər Klinik Xəstəxanasının həyətində “F1” qumbarası tapılıb.

“Report”un xəbərinə görə, qumbara Sabunçu Rayon Polis İdarəsinə (RPİ) təhvil verilib.

Qeyd edək ki, noyabrın 26-da Daxili İşlər Nazirliyinin (DİN) keçirdiyi əməliyyatda polisə müqavimət göstərən bir neçə nəfər yaralanıb.

Onlar hazırda 3 saylı Sabunçu Şəhər Klinik Xəstəxanasında müalicə olunur.

Polis əməkdaşları xəstəxananın giriş-çıxışına nəzarət edir.