Şahidi vicdan olan həqiqətə nə vaxtsa yalan demək mümkündürmü?
lll
Həqiqəti qışqıraraq deyənlər ancaq öz həqiqətlərini çatdırmaq niyyətindədirlər. Əsl həqiqətin qışqırtıya ehtiyacı yoxdur.
lll
Vətən torpaqla insan arasındakı sevgidir.
lll
Qorxaqlar bir-birinə bənzəmək istəyənlərdir, qəhrəmanlar isə əksinə.
lll
Boş vaxt ifadəsi bekar insanların “yaradıcılıq” məhsuludur.
lll
Zəif insanlar geriyə, güclülər isə irəliyə baxarlar.
lll
Tənhalıq adlı dostluğunun etibarı sona qədərdir.
lll
Sizə pislik etmiş insana cavab vermək istəyirsinizsə, onu mütləq halda unudun. O zaman özünüzə yaxşılıq etmiş olacaqsınız.
lll
Əgər bu dünyada sizi narahat edən,sizi yoran nələrsə varsa, onları öz dünyanızla qarşı-qarşıya qoyun. Dünyanız sizi o aləmdən alacaq və daha narahatlıq qalmayacaq.
lll
İnsanlarda eyib yox,eyibsizlik axtarmaq lazımdır.
lll
Dediklərimin yox,deyəcəklərimin insanını axtarıram.
lll
Çox bilmək, çox anlamaq heç də xoşbəxtlik deyil, anladıqca təklənirsən, anladıqca az anlanırsan.
lll
Eşitmək istədiklərimi söyləyə biləcək bir kəs-o, çox fərqli birisidir.
lll
İnsanın özü üçün yaşaması eqoistlik,başqası üçün yaşaması isə görüntüdür. Bəs orta hədd nədir?
lll
Yaranan nə varsa,gözəldir.
lll
Çox dostu olan yox, çox tanışı olan axırda tək qalar.
lll
Ən ədalətli hakim vicdandır.
lll
Ədalət susduğuna görə belə adlanır.
lll
Axtardığının nə olduğunu bilsəm,kimliyini asanlıqla təyin edərəm.
lll
Sənin anlanmağın üçün qarşıdakının duyğuları çox vacibdir.
lll
Kimliyin imzanla yox,söylədiyin sözlə təsdiqlənir.
lll
Oyanmaq istənilməyən yuxu, bəzən yaşanılan ömürdən daha dəyərli olur.
lll
Bir insanın əməllərini zaman şərçivəsinə sığışdırsaq, zamanın boş saniyələrinin belə olmadığı qənaətinə gələrik.
lll
Yaddan çıxmış bağışlamalar bir gün yeni zərbəyə çevrilə bilər.
lll
Sevgi ya olmalıdır, ya da ölməlidir.
lll
Xeyirxah adlandırdığın insanı tanımaq istəyirsənsə,onunla şərikli bir iş gör.
lll
Anlamsızlıq cəhalətin başlanğıcıdır.
lll
Kişi qadını yox,qadın özü-özünü ucuz tuta bilər.
lll
Məni həyatdan ayıra biləcək yeganə vasitə həyata və insanlara olan böyük yanaşmanın alt-üst edilməsidir.
lll
Necə illərdən sonra öz təravətini itirməyən yeganə hiss sevgidir.
lll
Əgər vicdan varsa, şahidə ehtiyac yoxdur.
lll
İnsan arzuladıqlarına doğru addımlayır.
lll
Özü üçün haqlı olan hər kəs varsa,onda haqsız ifadəsi leksikonumuzdan silinməlidir.
lll
Xoşbəxtlik çox nisbi məfhumdur.Dilənçi də xoşbəxt ola bilər,dünya gözəli də ,uşaq da-ani olaraq.
lll
Təmənna ilə uçurum arasında heç bir fərq yoxdur.
lll
Dünyada ən müqəddəs hiss vicdandır.Vicdan var,yoxsa yoxdur? Sualın bircə cavabı var.Vicdan ancaq var olan halda yaranıb.
lll
Nə qədər çox geri baxacaqsansa,irəli sənin üçün bir o qədər uzaq görünəcək.
GÖZƏL
çap et