Balakən Rayon Polis Şöbəsinin (RPŞ) yeni inzibati binası istifadəyə verilib.
APA-nın Şəki-Zaqatala bürosunun məlumatına görə, bu münasibətlə təşkil edilmiş açılış mərasimində daxili işlər nazirinin müavini, polis general-leytenantı İsmət Əliyev və Balakən Rayon İcra Hakimiyyətinin başçısı İslam Rzayev, DİN-nin Balakən RPŞ-nin şəxsi heyəti və müvafiq qurumların nümayəndələri iştirak edib. Tədbir iştirakçıları öncə Heydər Əliyevin abidəsini ziyarət ediblər.
Tədbirdə bildirilib ki, binanın tikintisinə 2014-cü ilin aprelində başlanıb. Üç mərtəbəli binanın hər mərtəbəsi 987 kvadratmetrdir.
Mərasim iştirakçıları RPŞ-nin yeni binasının növbətçi hissəsinə, xidməti otaqlara, o cümlədən xüsusi avadanlıq və kompüter sistemi ilə təchiz edilmiş tədris otağına, akt zalına, müvəqqəti saxlama yerinə baxış keçiriblər.
çap et