525.Az

Bakının sabiq prokuroru vəfat etdi


 

Bakının sabiq prokuroru vəfat etdi<b style="color:red"></b> Bakı şəhərinin sabiq prokuroru Məmməd Quliyev vəfat edib.

Bu barədə APA-nın Moskva müxbirinə Rusiyada yaşayan azərbaycanlı jurnalist, publisist Cəfər Sadıx Abbasov məlumat verib. O, uzun illərdir ki, Moskvada yaşayan M. Quliyevin bu gün səhər saatlarında qəflətən ürək tutmasından vəfat etdiyini söyləyib.
 
C. Abbasov mərhumla vida mərasiminin mayın 13-də Moskvanın “Otradnoye” metrostansiyası yaxınlığında yerləşən məsciddə keçiriləcəyini bildirib.
 
Qeyd edək ki, Məmməd Babaş oğlu Quliyev 1939-cu il fevralın 3-də Ağdamda doğulub. Milli Məclisin birinci çağırış deputatı olan M. Quliyev parlamentdə qanunvericilik və dövlət təhlükəsizliyi komissiyasına rəhbərlik edib.
 
Mərhum Moskvada dəfn olunacaq.
 




12.05.2016    çap et  çap et