2016/17 mövsümündə Çempionlar Liqasında İspaniya 5 klubla təmsil olunacaq.
Qol.az-ın xəbərinə görə, bu haqda UEFA-nın rəsmi saytı məlumat yayıb.
Normalda İspaniya üçün ÇL-də 4 yer ayrılır. Lakin “Sevilya” Avroliqanın finalında “Liverpul”a qalib gəlib turnirin qalibi olduğundan, yeni qaydalara əsasən, növbəti mövsüm ÇL-də oynamaq hüququ əldə edib. “Sevilya” “Barselona”, “Real” və “Atletiko” kimi yarışa birbaşa qrupdan, İspaniyanın beşinci təmsilçisi “Vilyareal” isə pley-off-dan başlayacaq.
“Sevilya”nın birbaşa qrupda oynaması isə səbəbsiz deyil. Məsələ burasındadır ki, ÇL-in budəfəki qalibi İspaniyanın iki təmsilçisindən (“Real” və ya “Atletiko”) biri olacaq. ÇL-in qalibi olacaq ispan klubu növbəti mövsüm üçün vəsiqəni indidən təmin etdiyindən bu ölkəyə qrup üçün ayrılan üç yerdən biri “Sevilya”ya qismət olub.
Ümumilikdə, 2016/17 mövsümündə ÇL-in qrupunda oynayacaq 32 komandadan 21-nin adı dəqiqləşib.
İspaniya: "Barselona", "Real", "Atletiko"
İngiltərə: "Lester", "Arsenal", "Tottenhem"
Almaniya: "Bavariya", "Borussiya" Dortmund, "Bayer"
İtaliya: "Yuventus", "Napoli"
Portuqaliya: "Benfika", "Sportinq"
Fransa: "Pari Sen-Jermen", "Lion"
Rusiya: ÇSKA və ya "Rostov"
Ukrayna: "Dinamo" Kiyev
Hollandiya: PSV
Belçika: "Brügge"
İsveçrə: "Bazel"
Türkiyə: "Beşiktaş"
Avroliqanın qalibi: "Sevilya" (İspaniya)
Pley-off-da oynayacaq 5 aparıcı liqanın təmsilçisi: "Vilyareal" (İspaniya), "Mançester Siti" (İngiltərə), "Borussiya" Münhenqladbax (Almaniya), "Roma" (İtaliya), "Portu" (Portuqaliya).
çap et