"Real"ın yarımmüdafiəçisi İskonun klubdakı gələcək taleyinə aydınlıq gəlib.
Qol.az-ın "goal.com"a istinadən verdiyi məlumata görə, ispaniyalı futbolçu növbəti mövsümdə də Madrid təmsilçisində oynayacaq.
Bu barədə açıqlama verən "Real"ın baş məşqçisi Zinəddin Zidan deyib: "İsko "Real"ın futbolçusudur və heç yerə getmir. Yayda edəcəyimiz transferlərə gəlincə, mövsümü yeni başa çatıb. Hələ ki, transferlərə ayırmağa vaxtımız olmayıb. Qarşıdakı günlərdə bu barədə düşünəcəyik".
Qeyd edək ki, 2013-cü ildə "Malaqa"dan "Real"a transfer olunan İsko keçirdiyi 149 oyunda 22 qol vurub.
çap et