Bu gün Vətəndaş Həmrəyliyi Partiyası mərkəzi qərargahında Siyasi Şuranın toplantısı keçirilib. SŞ-nın müzakirəsinə ölkədəki ictimai-siyasi vəziyyət və VHP-nin prezident seçkilərində iştirakı, qurultaya hazırlıq, təşkilati məsələlər daxil edilib.
VHP-nin Mətbuat və İnformasiya Xidmətindən 525.az-a verilən məlumata görə, ümumi müzakirələrdən sonra Siyasi Şura üzvlərinin yekdil razılığı ilə VHP-nin prezident seçkilərində iştirakı barədə qərar qəbul olundu. Seçkilərdə iştirakın forması isə iyun ayına nəzərdə tutulan VHP-nin Ümumrespublika konfransının müzakirəsinə tövsiyyə olundu.
VHP-nin növbəti qurultayına hazırlıq və rayon təşkilatlarının konfransının keçirilməsi məsədilə 7 nəfərdən ibarət Təşkilat Komitəsi yaradılıb.
VHP sədri Sabir Rüstəmxanlı 21 fevralın Ana Dili günü olduğunu vurğuladı və dövlət dilinin qorunması vacibliyindən və atılan addımlardan danışıb.
Sonda partiyaya qəbulla bağlı SŞ-ya edilən 19 müraciətə müsbət cavab verilib.
çap et