1991-ci il oktyabrın 18-də Azərbaycan Ali Soveti Azərbaycan Respublikasının Dövlət Müstəqilliyi haqqında Konstitusiya Aktını qəbul edib.
Həmin sənədə görə, Azərbaycan SSRİ-dən ayrılaraq müstəqil dövlət elan olunub və 1918-ci il mayın 28-dən 1920-ci il aprelin 28-dək mövcud olan Azərbaycan Xalq Cümhuriyyətinin varisi sayılıb.
1867-ci il. Hazırda ərazisinə görə ABŞ-ın ən böyük ştatı olan Alyaska Rusiya tərəfindən bu ölkəyə qızılla 7,2 milyon dollara satılıb.
1922-ci il. Böyük Britaniyanın “BBC” (Bi-Bi-Sİ) radioyayım korporasiyası təsis edilib.
BBC-yə Böyük Britaniyada iki efir və üç kabel/peyk/rəqəmsal telekanal, habelə 14 milli rəqəmsal radiostansiya, bir neçə internet saytı, təqribən 40 jurnal məxsusdur.
2007-ci il. Pakistanda bu ölkənin tarixində ən böyük terror aktı baş verib.
Tanınmış siyasi xadim Bənəzir Bhuttonun kortejində partlayış törədilib, 20-dən çox adam həlak olub.
Bənəzir Bhutto əsasən müsəlman əhalinin yaşadığı bir ölkənin ən yeni tarixində ilk qadın hökumət başçısı olub.
çap et