"Qrupdan çıxmaq şansımız davam edir. Qələbə qazansaydıq, şansımız daha çox olacaqdı. Birinci qolu rəqib də vura bilərdi. Ancaq hesabı açdıqdan sonra qol buraxacağımızı gözləmirdik".
Qol.az-ın Türkiyə mətbuatına istinadən yaydığı xəbərə görə, bu sözləri "Beşiktaş"ın baş məşqçisi Şenol Günəş Çempionlar Liqasının qrup mərhələsində "Napoli" ilə oyundan (1:1) sonra deyib.
O, favorit rəqiblə oyunda 4 xal qazandıqlarını bildirib:
"Doğma meydanda məğlub edə biləcəyimiz "Dinamo" ilə oyunda 2 xal itirdik. "Benfika"ya da qalib gələ bilərdik. Çempionlar Liqasında təcrübəsiz olmağımıza baxmayaraq futbolçularımın oyunundan məmnunam. Qalan iki matçda nələrin olacağını bilmirəm".
çap et