Azərbaycanda məhbus ölüb

Azərbaycanda daha bir məhkum xəstəlikdən ölüb.

Nizami Rayon Prokurorluğundan APA-ya verilən məlumata görə, Ədliyyə Nazirliyi Penitensiar Xidmətin Müalicə Müəssisəsində müalicə alan, məhkum, 1955-ci il təvəllüdlü Akif Məhəmməd oğlu Hüseynov böyrək çatışmazlığından dünyasını dəyişib.
 
Qeyd edək ki, A. Hüseynov bir neçə il əvvəl Cinayət Məcəlləsinin 179.3.2-ci (mənimsəmə) maddəsi ilə təqsirli bilinərək 8 il müddətinə azadlıqdan məhrum edilib.