Azərbaycan Respublikası Mədəniyyət və Turizm Nazirliyinin təşkilatçılığı ilə M.F.Axundov adına Milli Kitabxana Beynəlxalq Muğam Mərkəzi ilə birgə Azərbaycan ədəbiyyatının klassiklərinin yaradıcılığına həsr olunmuş silsilə ədəbi-bədii musiqili məclislərin təşkili layihəsinin icrasına başlayıb.
Nazirlikdən 525.az-a verilən məlumata görə, bu silsilədən ilk tədbir klassik Azərbaycan poeziyasının “günəşi” Məhəmməd Füzulinin yaradıcılığına həsr olunacaqdır.
Poeziya və musiqinin vəhdətindən ibarət tədbirdə klassik ədəbiyyatımızın görkəmli tədqiqatçıları akademik Teymur Kərimli, AMEA-nın müxbir üzvü Nizami Cəfərov, professor Buludxan Xəlilov və digər füzulişünas alimlərin çıxışları dinləniləcək, görkəmli aktyorların ifasında Füzuli şeirləri səslənəcək və məclis boyu istedadlı müğənnilərin ifasında şairin qəzəlləri oxunacaq.
Ədəbi-bədii musiqili məclisin ilk tədbiri 02 dekabr 2016-cı il tarixində saat 11.00-da Azərbaycan Milli Kitabxanasında keçiriləcək.
çap et