525.Az

“Azərbaycanın İntellektual BİRincisi”nin növbəti finalçıları məlum oldu


 

QALİB GƏLƏN KOMANDALAR BAKI ŞƏHƏRİNDƏ KEÇİRİLƏCƏK FİNAL MƏRHƏLƏSİNƏ VƏSİQƏ QAZANIBLAR

“Azərbaycanın İntellektual BİRincisi”nin növbəti finalçıları məlum oldu<b style="color:red"></b>

"İrəli” İctimai Birliyinin təşkilatçılığı, Gənclər və İdman Nazirliyinin dəstəyi ilə “Azərbaycanın İntellektual BİRincisi” layihəsi çərçivəsində Sumqayıt, Mingəçevir, Quba və Şəmkirdə keçirilən regional turnirlər yekunlaşıb.

“İrəli”dən verilən məlumata görə, dekabrın 3-də Abşeron, Sumqayıt, Xızı rayonlarının gənc intellektuallarının iştirakı ilə Sumqayıt turniri, Mingəçevir, Ağdaş, Bərdə, Göyçay Kürdəmir, Ucar, Yevlax, Zərdab rayonlarının gənc intellektuallarının iştirakı ilə Mingəçevir turniri, dekabr ayının 4-də isə Şəmkir, Ağstafa, Daşkəsən, Gədəbəy, Goranboy, Göygöl, Qazax, Naftalan, Samux, Tovuz rayonlarının gənc intellektuallarının iştirakı ilə Şəmkir turniri, Şabran, Xaçmaz, Quba, Qusar, Siyəzən rayonlarının gənc intellektuallarının iştirakı ilə Quba turniri keçirilib.

“Azərbaycanın İntellektual Birincisi” layihəsinin açılış mərasimindən sonra "Xəmsə","Nə? Harada? Nə zaman?", "Axtar-tap" və "Vətəni Tanı" intellektual oyunlarına start verilib. Sumqayıt şəhərində keçirilən regional seçim turunda "Xəmsə", "Nə? Harada? Nə zaman?", "Axtar-tap", "VətəniTanı" intellektual oyunlarında Abşeron rayonunun gənc intellektualları qalib olublar.

Mingəçevir şəhərində keçirilən regional seçim turunda "Nə? Harada? Nə zaman?", "Axtar-tap" intellektual oyunlarında Mingəçevir şəhəri, "Vətəni Tanı" intellektual oyununda Zərdab rayonu, “Xəmsə” intellektual oyununda Ağdaş rayonunun gənc intellektualları qalib olublar.

Quba rayonunda keçirilən regional seçim turunda "Xəmsə", "Axtar-tap" intellektual oyunlarında Quba rayonu, "Vətəni Tanı" intellektual oyununda Xaçmaz rayonu, "Nə? Harada? Nə zaman?" intellektual oyunlarında Şabran rayonunun gənc intellektualları qalib olublar.

Şəmkir rayonunda keçirilən regional seçim turunda "Vətəni Tanı", "Nə? Harada? Nə zaman?" intellektual oyunlarında Samux rayonu, "Axtar-tap" intellektual oyununda Tovuz rayonu, "Xəmsə" intellektual oyununda Göygöl rayonunun gənc intellektualları qalib olublar.

Qalib gələn komandalar Bakı şəhərində keçiriləcək final mərhələsinə vəsiqə qazanıblar. Sonda turnirin bütün iştirakçıları şəhadətnamə ilə təltif ediliblər.

Ceyhun ABASOV

 





05.12.2016    çap et  çap et