“Bu gün saat 12:00-da Bakı və Abşeron yarımadasında havanın optimal temperaturu 22 dərəcə isti təşkil edib.
Bununla da paytaxtda temperatur iqlim normasından 5 dərəcəyədək yüksək olub”.
Bunu APA-ya açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev deyib.
O bildirib ki, ölkə ərazisində cənub küləyinin əsməsi ilə əlaqədar temperatur rejimində yüksəlmə müşahidə olunub: “Temperatur iqlim normasından yüksək olsa da, bu, anomal istilik deyil. Belə ki, ötən gün paytaxtda havanın temperaturu iqlim normasından 4,7, bu gün isə 5 dərəcəyədək yüksək olub”.
A. Verdiyev qeyd edib ki, ölkə ərazisində isti hava şəraitinin yaxın 2-3 gün ərzində davam edəcək.
çap et