Fevralın 11-də Azərbaycan Xalça Muzeyində "Azərbaycanın mədəni sərvəti" layihəsi çərçivəsində naxışlı çətən toxuma texnologiyası üzrə ustad dərsləri təşkil olunacaq.
Muzeydən AZƏRTAC-a bildirilib ki, dərslər muzeyin xalçaçı-rəssamı Tariyer Bəşirovun rəhbərliyi ilə aparılacaq. Ustad dərslərinin keçirilməsində məqsəd unudulmaqda olan texnologiyaları bərpa etmək, gənc nəsli maarifləndirmək və bu texnologiyaların nəsildən-nəslə ötürülməsinə şərait yaratmaqdır.
İki gün davam edəcək ustad dərslərində mövzu ilə bağlı mühazirələr də təşkil olunacaq.
Qeyd edək ki, çətən - eyni diametrli qamış və ya ağac çubuqlarından hazırlanır. Naxışlı çətənlər döşəməyə salınır, alaçıqdakı divarların bəzədilməsində arakəsmə və pərdə kimi istifadə olunur.
çap et