Türk Mədəniyyəti və İrsi Fondunun prezidenti Günay Əfəndiyeva Ankarada Türkiyə Prezident Aparatının sabiq baş katibi, Sakaryanı təmsil edən millət vəkili Mustafa İsen ilə görüşüb.
Fonddan 525.az-a verilən məlumata görə, görüşdə qarşılıqlı əməkdaşlıq çərçivəsində türkdilli xalqların mədəniyyət və irsinin mühafizəsi, təşviq edilməsi ilə bağlı, eyni zamanda bütövlükdə türk dünyasının həmrəyliyi naminə işlərin görülməsinə dair müzakirələr aparılıb. Bu istiqamətdə yaxın aylarda Bakıda, Ankarada, İstanbulda, Sakaryada, eləcə də türkdilli ölkələrin digər şəhərlərində birgə tədbirlərin keçiriləcəyi bildirilib.
Görüş çərçivəsində qeyd edilib ki, prezident İlham Əliyevin sərəncamına əsasən 2017-ci il Azərbaycanda “İslam Həmrəyliyi İli” elan edilib. Bu baxımdan, İslam dininin türk dünyası sivilizasiyasında oynadığı mühüm rol vurğulanıb, müasir zamanda İslam həmrəyliyinə yönəlmiş müxtəlif işlərin aparılmasının vacibliyinə toxunulub.
çap et