525.Az

Bakıda ana və körpə doğuş zamanı öldü


 

Bakıda ana və körpə doğuş zamanı öldü<b style="color:red"></b> Respublika Kliniki Xəstəxanasında doğuş zamanı ana və uşaq ölümü baş verib.
 
Xəstəxananın baş həkiminin müavini Mahir Babayev APA-ya açıqlamasında bildirib ki, 1989-cu il təvəllüdlü Orucova Nuranə Səməd qızı aprelin 8-i saat 12:00-da ağır vəziyyətdə və 40 dərəcə hərarətlə xəstəxanaya yerləşdirilib.

Onun sözlərinə görə, hamiləliyinin 27-ci həftəsində olan qadında sepsis, qaraciyər və böyrək çatışmazlığı olub:

“Qanaxma və ölü döl qeydə alınıb. Qadında vəziyyəti çox kritik-ağır olub, qaraciyər-böyrək çatışmazlığı müşahidə edilib. Lazımi tibbi yardımlara baxmayaraq, onu və körpəni xilas etmək mümkün olmayıb, aprelin 9-da ana və uşaq ölüb”.
 
Baş həkimin müavini qeyd edib ki, meyit Məhkəmə Tibbi Ekspertiza və Pataloji Anatomiya Birliyinə verilib:

“Birliyin rəyi nəticəsində məsələ Səhiyyə Nazirliyində araşdırılacaq”.
 




10.04.2017    çap et  çap et