Çempionlar Liqasında 1/4 final mərhələsinin “Atletiko” ilə oyunu üçün Madridə gedən “Lester” azarkeşləri ilə polis arasında qarşıdurma yaranıb.
Qol.az-ın İspaniya mətbuatına istinadən yaydığı xəbərə görə, dünən gecə Madridin “Mayor” meydanında toplaşan 70-ə yaxın “Lester” azarkeşi ətrafa zərər verib, asayişi pozmağa cəhd edib.
İspan polislərinin xəbərdarlığına məhəl qoymayan fanatlar onlara şüşə butulka atıblar. Hadisə nəticəsində 3-ü polis, 2-i azarkeş olmaqla 5 nəfər xəsarət alıb.
Polisin müdaxiləsindən sonra 8 azarkeşin həbs edildiyi açıqlanıb.
Xatırladaq ki, “Atletiko” - “Lester” oyunu bu gün saat 22:45-də start götürəcək.
çap et