BMT Arktik buzlaqların sürətlə əriməsindən narahatdır

BMT-nin Ümumdünya Meteorologiya Təşkilatı ötən ilin avqust-sentyabr aylarında Arktik buzlaqların rekord şəkildə əriməsindən narahatlıq ifadə edib.

APA-nın məlumatına görə, təşkilatın hesabatında bildirilir ki, 1850-ci ildən sonra 10 ən isti il siyahısına düşən 2012-ci ilin payızında Arktikada buzlaqların sahəsi 3,4 milyon kvadrat kilometr təşkil edib ki, bu da 2007-ci ilə nisbətən 18 faiz azdır. 2012-ci ildə yer və okean səthində havanın orta temperaturu 1961-1990-cı illərin orta temperaturundan (14 dərəcə) 0,45 dərəcə çox olub. Havanın hərarətinin Şimali Amerika, Cənubi Avropa, Rusiyanın qərb hissəsi, Şimali Afrika regionları və Cənubi Amerikanın cənubunda daha çox artdığı hiss olunur.