525.Az

Türk nazir: "Natiq Əliyev Türkiyədə də rəhmətlə yad ediləcək"


 

Türk nazir: "Natiq Əliyev Türkiyədə də rəhmətlə yad ediləcək"<b style="color:red"></b> Türkiyənin enerji və təbii sərvətlər naziri Berat Albayrak Azərbaycanın energetika naziri Natiq Əliyevin ölümü ilə bağlı onun yaxınları və ailəsinə, Azərbaycan və Türkiyə xalqlarına başsağlığı verib.
 
APA-nın “Anadolu”ya istinadən verdiyi xəbərə görə, B. Albayrak bildirib ki, mərhum nazirin Azərbaycanın enerji sektorundakı xidmətləri və rolu, ölkəsinə verdiyi töhfələr unudulmayacaq:
 
“Natiq Əliyevin Bakı-Tiflis-Ceyhan neft kəməri, Bakı-Tiflis-Ərzurum təbii qaz kəməri, TANAP layihəsi başda olmaqla, bir çox layihənin həyata keçirilməsində böyük xidmətləri olub. Vəfat xəbərini təəssüflə öyrəndim.

Onun Azərbaycanın enerji sektorunda yerinə yetirdiyi vəzifə, həyata keçirdiyi işlər və ölkəsinə verdiyi töhfələr unudulmayacaq. Natiq Əliyev hər zaman ölkəmizdə də xatirələrdə yaşayacaq və rəhmətlə yad ediləcək”.
 




09.06.2017    çap et  çap et